Inuit isertitaat
Kapitalimi uani inuit isertitaanut paasissutissat takuneqarsinnaapput. Immikkoortut tallimanngorlugit agguarneqarpoq, tassani isertitat assigiinngissusii erseqqissarneqarput, najugaqarfinni aammalu inuttut qanoq inissisimaneq tunngavigalugit saqqummiunneqarlutik.
Kommunini isertitat
Nunatsinni kommunini sisamaasuni Kommuneqarfik Sermersuumi inuit isertitaat agguaqatigiissillugit annertunerpaapput. Qeqqata Kommuniani isertitat qaffasissusaat nuna tamakkerlugu agguaqatigiissinnerisa missaannik inissisimapput, isertitallu Kommune Kujallermi, Kommune Qeqertalimmi aamma Avannaata Kommuniani kiisalu Kommune Kujallermi nuna tamakkerlugu agguaqatigiissitsinermit 15-23 pct.-it missaanik appasinnerullutik, tassunga tunngatillugu takussutissiaq 2.1 takuuk.
Takussutissiaq 2.1. 2018-imi inuit isertitaat agguaqatigiissillugit
|
Isertitat tamarmiusut |
Isertitat akileraarute-qaataasussat |
Isertitat akileraaru-seriikkat |
|
1.000 kr. |
||
Nuna tamakkerlugu .......................... |
256 |
240 |
172 |
Kommune Kujalleq ........................... |
208 |
194 |
143 |
Kommuneqarfik Sermersooq .................... |
308 |
290 |
205 |
Qeqqata Kommunia .......................... |
251 |
236 |
171 |
Kommune Qeqertalik.......................... |
198 |
185 |
136 |
Avannaata Kommunia......................... |
215 |
201 |
146 |
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP1
Isertitat tamarmiusut 2018-imi agguaqatigiissillugu 11.000 kr.-nik amerlisimapput, procentinngorlugu 4,5-imik.
Kommuneqarfik Sermersuumi isertitat qaffannerpaasimapput 5,1 pct.-inik qaffassimallutik. Qeqqata Kommuniani aamma Kommune Kujallermi isertitat aamma qaffangaatsiarsimapput 4,5 pct.-inik aamma 3,7 pct.-inik qaffassimallutik.
Takussutissiaq 2.2. Isertitat tamarmiusut agguaqatigiissinneri
|
2014 |
2015 |
2016 |
2017 |
2018 * |
Allannguut 2017-2018 |
|
|
1.000 kr. |
Pct. |
|||||
Nuna tamakkerlugu ........ |
218 |
229 |
240 |
245 |
256 |
4,5 |
|
Kommune Kujalleq ......... |
176 |
187 |
192 |
201 |
208 |
3,7 |
|
Kommuneqarfik Sermersooq .. |
262 |
275 |
282 |
293 |
308 |
5,1 |
|
Qeqqata Kommunia ........ |
215 |
226 |
240 |
241 |
251 |
4,5 |
|
Qaasuitsup Kommunia ...... |
181 |
186 |
202 |
200 |
. |
. |
|
Kommune Qeqertalik ....... |
. |
. |
. |
. |
198 |
. |
|
Avannaata Kommunia ...... |
. |
. |
. |
. |
215 |
. |
|
Malugiuk: 2018-imut kisitsisit kisitsisaagallarput..
Najoqqutaq: http://bank.stat.gl/INNP1
Januaarip aallaqqaataani Qaasuitsup Kommunia avinneqarpoq; Kommune Qeqertalimmut aamma Avannaata Kommunianut. Kommunini nutaani taakkunani Avannaata Kommuniani isertitat tamarmiusut qaffasinnerupput. Kommuniusimasoq Qaasuitsup Kommunia eqqarsaatigissagaanni kommunimi nutaami Kommune Qeqertalimmi isertinneqarsimasut Qaasuitsup Kommuniani isertinneqarsimasunit appasinnerupput, Kommune Qeqertalimmi isertitat tamarmiusut agguaqatigiisinneranni nuna tamakkerlugu isertitanut sanilliullugu 2018-imi appasinnerpaajusimapput.
Utoqqalinersiassanut akileraartarnermut malittarisassat nutaat januaarip aallaqqaataani 2017-imi atuutilerput. Taamaasilluni tamakkiisumik Kalaallit Nunaannut akileraartussaatitaasut nunani allani utoqqalinersiassanut akileraarnerminni 2017-imi akileraartalerput.
Akileraartarnerup allanngortinneqareernerata kinguneranik isertitat tamarmiusunik nalunaartarneq sunnerpaa, 2017-imiit sulisitsisut nunanut allanut utoqqalinersiassanut akiliutigisartagaat akileraarutaasalernerat pissutaalluni akileraarutigineqartartut amerlipput. Isertitat tamarmiusut akileraartarnerup allanngortinneqarneranit sunnigaasimanerat titartakkami 2.1.-imi erseqqissarneqarpoq. Tassani takuneqarsinnaavoq 2016-imiit 2017-imut isertitat tamarmiusut qaffassimasut, takussutissiami 2.2.-mi aamma tamanna ersersinneqarpoq. Sulisitsisut utoqqalinersiassanut akiliutigisartagaat akileraaruserneqartalersimanngikkaluarpata 2017-imi isertitat tamarmiusut 0,7 pct.-inik apparsimassagaluarput, pissusiviusorlu malillugu 2,2 pct.-inik qaffassimassanngikkaluarlutik.
Nunanut allanut utoqqalinersiassanut akiliinermi akileraartalernerup kinguneranik 2016-imiit 2017-imut akileraarnerup annertussusaa allanngorpoq. Isertitat tamarmiusut kisimik eqqorneqanngillat, kisianni isertitat assigiinngitsut tamarmik eqqorneqarput, soorlu Gini-koefficienti, isertitat assigiinngisitaarnerisa uuttortarneri allallu aamma eqqorneqartut. Kommunit eqqarsaatigalugit 2016-imiit 2017-imut Kommuneqarfik Sermersuumi akileraartarnerit allanngornerat annertuneruvoq. Kommuneqarfik Sermersuumi akileraartarnermut sunniutai kommuninut allanut sanilliullugit marloriaataanit annertuneruvoq. Tassunga pissutaavoq akileraartartut amerlanerit Kommuneqarfik Sermersuumi nunanut allanut utoqqalinersiassaminnik akiliisarmata.
Titartagaq 2.1. Utoqqalinersiassanit akileraartalernerup isertitanut tamarmiusunut sunniutaat
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP1 aamma Akileraartarnermut Aqutsisoqarfiup akileraaruserilluni 2018-imi suliai.
Oqaluttuarisaanermi 2018-imi akit qaffanneri aatsaat taamak appasitsigaat, takuuk titartagaq 2.2. 2017-imiit 2018-imut atuisunut akit taamaallaat 0,23 pct.-imik qaffassimapput. Isertitanut tamarmiusunut sanilliullugu atuisunut akit qaffannerat annikippoq. Tamanna pissutaalluni isertitat pisissutaasinnaasut 2018-imi 4,2 pct.-inik qaffapput.
Ukiut 15-it kingulliit ingerlanerini inuit isertitaat tamarmiusut 55,7 pct.-inik qaffassimapput. Piffissap taassuma iluani atuisunut akit 32,3 pct.-inik qaffassimapput. 2003-miit nalinginnaasumik atuisumut inuuniarnermut akiliutigineqartartut isertitat tamarmiusunit affai sinnilaaginnarlugit qaffassimapput. Taamaasilluni isertitat pisissutaasinnaasut 2003-mut sanilliullugit 17,7 pct.-inik qaffassimapput.
Titartagaq 2.2. 2003-miit 2018-imut isertitat pisissutaasinnaasut aamma atuisunut akit ineriartorneri
Malugiuk: 2018-imut kisitsisit kisitsisaagallarput. Titartakkami isertitat pisissutaasinnaasut isertitat tamarmiusut tunngavigalugit naatsorsugaapput. Atuisunut akiusut Nuna tamakkerlugu naatsorsuutini suliarineqarsimasut tunngavigalugit naatsorsugaapput.
Najoqqutaq: Kisitsisaataasivik, http://bank.stat.gl/INNP9
Distriktini isertitat
Isertitat siusinnerusukkut kommuniusimasunut immikkoortillugit, maanna siornatigut kommuniusimasut distrikinik taasarpavut, takuneqarsinnaavorlu Nuup distriktiani isertitat tamarmiusut distriktinut allanut sanilliullugit qaffasinnerujussuusut, takuuk titartagaq 2.3. 2018-imi agguaqatigiissillugu Nuummi 337.000 kr.-t isertinneqarsimapput, Sisimiut distriktianut sanilliullugu 27 pct.-inik tamanna qaffasinneruvoq. Sisimiuni 2018-imi isertitat tamarmiusut agguaqatigiissillugit qaffasinnerpaat tullerisimavaat. Distriktini allani tamani Kalaallit Nunaanni isertitat tamarmiusut agguaqatigiissinnerinit appasinnerupput.
Titartagaq 2.3. 2018-imi distriktini agguaqatigiissillugu isertitat tamarmiusut
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP2
2018-imi isertitat Qeqertarsuup distriktiani qaffannerpaasimapput, 2017-imut sanilliullugu innuttaasut 22.000 kr.-nik agguaqatigiissillugu isertitaqarnerusimagamik, procentinngorlugu 10,7-iulluni. Nuuk distrikimi isertitat annerpaajupput, tassani 2018-imi isertitat tamarmiusut 337.000 kr.-usimapput 4,4 pct.-inik qaffassimallutik.
Takussutissiaq 2.3. Distriktini isertitat tamarmiusut agguaqatigiissinneri
|
2014 |
2015 |
2016 |
2017 |
2018 * |
Allannguut 2017-2018 |
|
|
1.000 kr. |
Pct. |
|||||
Nuna tamakkerlugu |
218 |
229 |
240 |
245 |
256 |
4,5 |
|
Nanortalik ......... |
145 |
152 |
160 |
167 |
173 |
3,9 |
|
Qaqortoq ......... |
194 |
209 |
216 |
225 |
232 |
3,3 |
|
Narsaq ........... |
175 |
182 |
182 |
191 |
199 |
4,1 |
|
Paamiut .......... |
171 |
176 |
177 |
185 |
194 |
4,9 |
|
Nuuk ............ |
290 |
305 |
312 |
323 |
337 |
4,4 |
|
Maniitsoq ......... |
189 |
205 |
220 |
218 |
223 |
2,7 |
|
Sisimiut .......... |
228 |
238 |
250 |
253 |
266 |
5,4 |
|
Kangaatsiaq ...... |
140 |
141 |
153 |
154 |
151 |
-1,9 |
|
Aasiaat .......... |
176 |
182 |
193 |
192 |
203 |
5,9 |
|
Qasigiannguit ...... |
181 |
187 |
202 |
206 |
212 |
2,8 |
|
Ilulissat ........... |
210 |
214 |
238 |
236 |
245 |
3,6 |
|
Qeqertarsuaq ...... |
186 |
196 |
206 |
203 |
224 |
10,7 |
|
Uummannaq ...... |
184 |
197 |
214 |
209 |
214 |
2,0 |
|
Upernavik ......... |
158 |
159 |
173 |
165 |
178 |
7,7 |
|
Qaanaaq ......... |
137 |
139 |
137 |
148 |
158 |
6,7 |
|
Tasiilaq .......... |
152 |
155 |
162 |
170 |
182 |
7,0 |
|
Ittoqqortoormiit ..... |
168 |
182 |
180 |
174 |
188 |
8,3 |
|
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP2
2018-imi distriktimi ataatsimi, Kangaatsiami, isertitat tamarmiusut agguaqatigiissinnerini ikilipput. Kangaatsiami innuttaasut agguaqatigiissillugu 1,9 pct.-inik isertitaat appariarsimapput. Kangaatsiap distriktiani 2017-imi inuup ataatsip isertitai tamarmiusut agguaqatigiissillugu 154.000 kr.-usimagaluartut 2018-imi 151.000 kr.-upput, takuuk titartagaq 2.4.
Titartagaq 2.4 2018-imi distriktini isertitat tamarmiusut agguaqatigiissinnerini ineriartornerit
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP2
Illoqarfinni nunaqarfinnilu isertitat
Nalinginnaasumik nunaqarfinni isertitat illoqarfinni isertitanut sanilliullugit appasinnerupput, takuuk titartagaq 2.5. 2018-imi nuna tamaat eqqarsaatigalugu inuk ataaseq illoqarfimmi najugalik agguaqatigiissillugu 266.000 kr.-nik tamakkiisumik isertitaqarsimavoq, nunaqarfimmi najugalik agguaqatigiissillugu 181.000 kr.-nik tamakkiisumik isertitaqarsimasoq. Kisianni titartakkami ersarissorujussuuvoq illoqarfinni nunaqarfinnilu assigiinngitsut, kommunimiillu kommunimut nikerartoq.
Titartagaq 2.5. 2018-imi agguaqatigiissillugu illoqarfinni nunaqarfinnilu isertitat
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP1
Illoqarfiit nunaqarfiillu akornanni assigiinngissut annertunerpaaq Kommuneqarfimmi Sermersuumiippoq. Kommuneqarfik Sermersuumi illoqarfinni najugallit agguaqatigiissillugu inuup ataatsip isertitai tamarmiusut nunaqarfinni najugallip isertitaannit marloriaataannik annertussuseqarput. Kommuneqarfik Sermersuumi sumi najugaqarneq apeqqutaalluni isertitat nikingasut takuneqarsinnaavoq. Illoqarfinni innuttaasut amerlanersaat Nuummi najugaqarput, Nuummi isertitat qaffasissuupput, nunaqarfinnilu innuttaasut amerlanersaat Tasiilap distriktiani najugaqartut, Tasiilallu distriktiani nunaqarfinni najugaqartut isertitaasa appasinnerat immikkut ilisarnaataavoq.
Akerlianik Qeqqata Kommuniani illoqarfinni aamma nunaqarfinni isertitat agguaqatigiissinneri assigiingajapput. Tassani Kangerlussuarmi isertitat qaffasinnerat nassuiaatissaavoq. Qeqqata Kommuniani nunaqarfinni najugallit 40 pct.-ingajai Kangerlussuarmi najugaqarput, taakku nunaqarfinni isertitanik naatsorsuinermi nalitoorujussuupput. Narsarsuarmi isertitat aamma qaffasipput, Kommune Kujallermilu nunaqarfinni isertitanut qaffassaallutik, kisianni nunaqarfinni isertitat agguaqatigiissinneranni nalikinnerupput, Kommune Kujallermi nunaqarfinni najugaqartut eqqarsaatigalugit ikinnerugamik.
Illoqarfinni nunaqarfinnilu isertitat nikingassutaat ilaatigut ukioqqortussutsimik tunngassuteqarpoq. Inuit sulisinnaasut akornanni isertitat nikingassutaat ersarinneruvoq, takuuk titartagaq 2.6. Nunaqarfinni ukioqqortussutsini assigiinngitsuni isertitat assigiiaarnerunerat, illoqarfinnilu nalinginnaasumik sulisinnaasut, inuusuttuaqqanut aamma utoqqarnut sanilliullugit isertitaqarnerusarnerat tassani nassuiaatissaavoq.
Titartagaq 2.6. 2018-imi isertitat tamarmiusut ukioqqortussutsinut aamma najugaqarfinnut immikkoortillugit
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP1
Illoqarfiit kisiisa isigissagaanni, takuneqarsinnaavoq nikingassut annertusoq.
Takussutissiami 2.4.-imi, Nuummi agguaqatigiissillugu inuk ataaseq 339.000 kr.-nik tamakkiisumik isertitaqarsimasoq, illoqarfinni allani isertitat tamarmiusut annikinnerusut. Sisimiuni tamakkiisumik isertitat annertunerpaat tullerivaat, tassani inuk ataaseq 263.000 kr.-nik isertitaqarsimavoq. Illoqarfinni agguaqatigiissillugu isertitat tamarmiusut 2018-imi 266.000 kr.-usimapput. Nuna tamakkerlugu illoqarfinni isertitat tamarmiusut agguaqatigiissinnerini Nuummi isertitat kisimik qaffasinnerupput.
Takussutissiaq 2.4. Illoqarfinni agguaqatigiissillugu isertitat tamakkiisut
|
2014 |
2015 |
2016 |
2017 |
2018 * |
|
|
1.000 kr. |
|
||||
Nanortalik ..................... ........................ |
155 |
163 |
174 |
177 |
188 |
|
Qaqortoq .......................... |
198 |
214 |
221 |
229 |
237 |
|
Narsaq ............................ |
165 |
175 |
173 |
182 |
191 |
|
Paamiut ........................... |
171 |
176 |
176 |
183 |
193 |
|
Nuuk .............................. |
292 |
307 |
315 |
325 |
339 |
|
Maniitsoq .......................... |
199 |
213 |
230 |
227 |
233 |
|
Sisimiut ............................ |
224 |
234 |
246 |
249 |
263 |
|
Kangaatsiaq ........................ |
149 |
156 |
163 |
162 |
162 |
|
Aasiaat ............................ |
178 |
183 |
192 |
193 |
204 |
|
Qasigiannguit ....................... |
183 |
187 |
203 |
209 |
215 |
|
Ilulissat ............................ |
213 |
217 |
239 |
239 |
247 |
|
Qeqertarsuaq ....................... |
187 |
196 |
206 |
203 |
225 |
|
Uummannaq ........................ |
195 |
205 |
217 |
217 |
224 |
|
Upernavik .......................... |
186 |
189 |
197 |
197 |
205 |
|
Qaanaaq .......................... |
144 |
147 |
143 |
154 |
166 |
|
Tasiilaq ............................ |
166 |
169 |
179 |
184 |
201 |
|
Ittoqqortoormiit..................... |
164 |
180 |
177 |
172 |
187 |
|
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP3
Nunaqarfiit eqqarsaatigissagaanni nunaqarfiit mittarfeqarfiusut Kangerlussuaq Narsarsuarlu immikkuullaripput, taakkunani isertitat nunaqarfinnut allanut sanilliullugit qaffasinnerungaatsiaramik, takuuk takussutissiaq 2.5.
Takussutissiaq 2.5. 2018-imi agguaqatigiissillugu isertitat tamakkiisut nunaqarfinni qaffasinnerpaamik isertitaqarfiusuni
|
2014 |
2015 |
2016 |
2017 |
2018 * |
|
|
1.000 kr. |
|
||||
Kangerlussuaq (Sisimiut distrikt) ... |
315 |
318 |
316 |
318 |
334 |
|
Narsarsuaq (Narsaq distrikt) ....... |
279 |
299 |
293 |
299 |
295 |
|
Qeqertaq (Ilulissat distrikt) ........ |
184 |
173 |
230 |
193 |
244 |
|
Saattut (Uummannaq distrikt) ..... |
198 |
206 |
255 |
245 |
240 |
|
Ilimanaq (Ilulissat distrikt) ......... |
162 |
180 |
215 |
242 |
231 |
|
Nutaarmiut (Upernavik distrikt) ..... |
152 |
157 |
222 |
214 |
228 |
|
Innaarsuit (Upernavik distrikt) ...... |
246 |
210 |
250 |
194 |
227 |
|
Qassiarsuk (Narsaq distrikt) ....... |
176 |
177 |
164 |
182 |
211 |
|
Qeqertarsuatsiaat (Nuuk distrikt) ... |
179 |
191 |
171 |
177 |
204 |
|
Ukkusissat (Uummannaq distrikt) ... |
169 |
185 |
215 |
193 |
203 |
|
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP3
Qaqortup distriktiani agguaqatigiissillugu isertitat 96.000 kr.-ullutik isertitakinnerpaaffiusimavoq Saarloq, 2018-imilu Qaqortup distriktiani nunaqarfiit tamarmik isertitakinnerpaaffiusimapput. Takussutissiami 2.6-imi, nunaqarfiit qulit isertitat tamakkiisut agguaqatigiissinnerini appasinnerpaamik isertitaqarsimasut, takuneqarsinnaapput.
Takussutissiaq 2.6. 2018-imi agguaqatigiissillugu isertitat tamakkiisut nunaqarfinni appasinnerpaamik isertitaqarfiusuni
|
2014 |
2015 |
2016 |
2017 |
2018 * |
|
|
1.000 kr. |
|
||||
Saarloq (Qaqortoq distrikt) ....... |
109 |
108 |
104 |
102 |
96 |
|
Iginniarfik (Kangaatsiaq distrikt).... |
111 |
102 |
112 |
116 |
107 |
|
Qeqertat (Uummannaq distrikt) .... |
82 |
77 |
95 |
99 |
114 |
|
Savissivik (Qaanaaq distrikt)...... |
104 |
100 |
110 |
111 |
116 |
|
Aappilattoq (Nanortalik distrikt).... |
106 |
109 |
107 |
113 |
121 |
|
Siorapaluk (Qaanaaq distrikt)..... |
109 |
114 |
112 |
133 |
123 |
|
Kangersuatsiaq (Upernavik distrikt). |
109 |
116 |
120 |
110 |
125 |
|
Sermiligaaq (Tasiilaq distrikt)...... |
104 |
111 |
120 |
126 |
125 |
|
Tiilerilaaq (Tasiilaq distrikt)........ |
111 |
116 |
116 |
116 |
126 |
|
Kuummiit (Tasiilaq distrikt)........ |
129 |
119 |
115 |
137 |
127 |
|
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP3
Isertitat suiaassutsimut immikkoortillugit
2018-imi angutip agguaqatigiissillugit ilanngaateqanngitsumik isertitai 288.000 kr.-upput, arnallu isertitai 220.000 kr.-ullutik, takussutissiaq 2.7 takuuk. Nuna tamakkerlugu angutip isertitai agguaqatigiissillugit 31 pct.-inik arnap isertitaanit annertunerupput.
Angutit sulisinnaasut, arnanut sulisinnaasunut sanilliullugit amerlanerunerat naatsorsuutini ilanngunneqanngilaq, angutit amerlanerusut sulisinnaasut ukiui isertitaqqortunerpaaffiup nalaaniipput, utoqqaallu akornanni tassa isertitakinnerpaani arnat amerlanerullutik. Taamaattumik isertitat nikinganerat kisitsisinit ersersinneqartunit appasinneruvoq.
Takussutissiaq 2.7. Agguaqatigiissillugu isertitat tamakkiisut suiaassutsinut immikkoortillugit
|
2016 |
2017 |
2018* |
|||
|
Angutit |
Arnat |
Angutit |
Arnat |
Angutit |
Arnat |
|
1.000 kr. |
|||||
Nuna tamakkerlugu ......... |
277 |
198 |
277 |
209 |
288 |
220 |
Kommune Kujalleq.......... |
211 |
172 |
215 |
185 |
222 |
192 |
Kommuneqarfik Sermersooq... |
326 |
234 |
335 |
246 |
350 |
261 |
Qeqqata Kommunia......... |
280 |
193 |
275 |
200 |
286 |
211 |
Qaasuitsup Kommunia....... |
234 |
166 |
222 |
175 |
. |
. |
Kommune Qeqertalik........ |
. |
. |
. |
. |
214 |
181 |
Avannaata Kommunia....... |
. |
. |
. |
. |
243 |
185 |
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP1
Takussutissiami 2.7-imi takuneqarsinnaasut malillugit angutit isertitaat tamakkiisut arnat isertitaanit tamakkiisunit kommunini tamani qaffasinneruvoq. Ukioqqortussutsit eqqarsaatigalugit nikingassut aamma tamani atuuppoq. Ukioqqortussutsini tamani angutit 2018-imi isertitaat arnat isertitaannit qaffasinnerupput, titartagaq 2.7 takuuk.
Titartagaq 2.7. 2018-imi agguaqatigiissillugu isertitat tamakkiisut ukioqqortussutsinut aamma suiaassutsinut immikkoortillugit
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP1
Inuttut qanoq inissisimaneq sumilu najugaqarneq apeqqutaallutik isertitanut suiaassutsinullu agguarnerini isertitat nikinganerat titartakkami takuneqarsinnaavoq. Kapitali 7-imi immikkoortumi tabelinik imalimmi suiaassuseq malillugu isertitat assigiinngitsunik tunuliaqutalersorlugit nalunaarsorneri misissorneqarput, tassannga itinerusumik paasisaqarusuttunut Naatsorsueqqissaartarfiup kisitsisaataasivia bank.stat.gl innersuussutigineqarpoq.
Isertitat ilinniagaqarsimanerup qaffasissusaanut immikkoortillugit
Ilinniakkap qaffasissusaa isertitallu ataqatigiinneri malunnaateqarput. Inuit ilinniarluarsimasut isertitaat qaffasinneruvoq inunnut ilinniagaqarsimanngitsunut aamma appasinnerusumik ilinniarsimasunut sanilliullugit. Ilinniarluarsimasut suliffillit ilinniarluarsimasuunngitsuniit akissarsiaginnerunerannik tamanna annerusumik peqquteqarpoq. Ilinniarluarsimasut akornanni suliffeqartut amerlaneruneri taamaasillunilu suliffissaaleqisut ikinneruneri isertitat qaffasinnerinerinut pissutaaqataasut ilagaat. Ilinniarluarsimasut akornanni ikinneroqisut sulinngikkallarnermi pisortanit ikiorsiissutinik pisarput, appasinnerusumik ilinniarsimasut akornanni sulinngikkallarnermi pisortanit ikiorsiissutinit pisartut taakkununnga sanilliullugit amerlanerungaatsiarput.
Titartakkami 2.8.-mi takuneqarsinnaapput kisitsisit ukioqqortussutsinut eqimattakkuutaannut agguarlugit, ukioqqortussusaat assigiikkaluartut inuit ingerlariaqqiffiusumik ilinniarsimasut agguaqatigiissillugit isertitaat qaffasinnerusut,appasinnerusumik ilinniagalinnut sanilliullugit, takuneqarsinnaavoq.
Titartagaq 2.8. 2018-imi agguaqatigiissillugu isertitat tamakkiisut ukioqqortussutsimut aamma qaffasinnerpaamik ilinniakkamut naammassisimasamut immikkoortillugit
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP8
Takussutissiami 2.8.-mi takuneqarsinnaavoq illoqarfinni nunaqarfinnilu isertitat assigiinngissusaat, ilinniarsimanerullu qaffasissusaa eqqarsaatigalugu isertitat nikinganerat annikinneruvoq. Illoqarfinni nunaqarfinnilu isertitat assigiinngissusaat ilaatigut nassuiarneqarsinnaavoq nalinginnaasumik illoqarfinni ilinniarsimasut qaffasinnerusumik ilinniarsimasuusarnera t.
Takussutissiaq 2.8. 2018-imi agguaqatigiissillugu isertitat tamakkiisut najugaqarfinnut, suiaassutsinut aamma qaffasinnerpaamik ilinniakkamut naammassisimasamut immikkoortillugit
|
Illoqarfinni |
Nunaqarfinni |
||
|
Angutit |
Arnat |
Angutit |
Arnat |
|
1.000 kr. |
|||
Tamakkerlugit ................ |
300 |
230 |
205 |
151 |
Meeqqat atuarfiat .............. |
217 |
151 |
185 |
127 |
Ilinniarnertuunngorniarfik ........ |
324 |
199 |
283 |
185 |
Inuussutissarsiutigalugu ilinniarfik .. |
389 |
281 |
297 |
227 |
Ilassutitut ilinniarfik ............. |
283 |
201 |
282 |
154 |
Ingerlaqqiffiusumik ilinniarfik ...... |
624 |
478 |
426 |
438 |
Malugiuk: 2018-imut kisitsisit kisitsisaagallarput.
Najoqqutaq: http://bank.stat.gl/INNP8